Ok

En poursuivant votre navigation sur ce site, vous acceptez l'utilisation de cookies. Ces derniers assurent le bon fonctionnement de nos services. En savoir plus.

Racontaches in picard par Gérard Platevoet et Alexandra Biebuyck : "l'Euro 2020 in 2021" par Gérard et Alexandra (texte et Vidéo)

banniere parlache.jpg

Voici une fantaisie sur le football.

 
Alexandra attend avec impatience le début de l'Euro de football, non pas pour le sport, mais pour le chahut qu'elle fera avec toute la panoplie du supporter. Et Gérard doit supporter sa folie.

euros2021.PNG

G Alors queo qu’on minge pou souper ?

    Mais queo ch’ est que t’ fais tout … ?

A :  ( chant ) In s’ra les champieons…in s’ra les champieons…

G : Champieons de queo ?

A : Bin les Rouchés djâles à l’euro 2020…

G : Mais on est in 2021… t’es in r’tard

A : Pfff i faut vraimint tout t’esplitchi. A causse du virus is eont erporté toutes les compétitieons sportives…Is les eont ertardé d’eine ainnée…ch’ est clair asteur ?

G : Et bé ! in est ichi prope avec cha.

G : Mais commint que t’es ichi abistoquée !

A : Dis queo ch’ qui m’ va el mi… el perruque, el casquette ave el boa obin l’écharpe… ?

G :  Mais infin, t’éteos déjà eine fousse banse mais in fait t’es ein sapré zozeo.

A : Pourqueo que t’ ris plein t’ panse.

G : Astiquée comme t’ es, j' busieos qu’ t’alleos meonter su l’ terrain… L’ prumier balleon qui tché su t’ tiête, t’es raide assommée…che n’ s’ra vraimint  pos avec ti qu’in va gagner ein match et surtout pos conte les Français … Eh on a note revinche à printe…avec ein peu de chance in jeura el finale conte eusses.

A : Cha m’ f’reot vraimint plaisi…

G : In attindant on d’veot jeuer l’ainnée passée et à causse de ç’ virus cha n’a pos été possipe…

A : Ouais t’ l’as d’jà dit…mais beon cha n’ tchinge rin à l’affaire…2020 ou 2021… ch’ est toudi el même compétitieon…

G : Neon neon i-a bramint d’ blessés. Ch’est  à s’ deminder si y a pos des bellés pouillettes à l’infirmerie…

A : Mais qu’ t’es biête, t’es acore seot pou t’n âche…

G : Queo queo queo, qu’est-ch’ qu’i-a m’n âche ?

A : Mais tu vas arrêter d’ bertonner ainsin…

(Coup de trompette d’Alexandra)

G : Millard cha ch’est potin…Cha m’ fait pinser à l’Afrique du Sud  quand i-aveot les vuvuzelas. In v’là ein : t’as d’jà essayé d’ chuffler d’dins ?

G : Arrête ! T’ n’es pos obligée d’ raquer d’dins.

Et après, te vas d’aller vir les matches su ein écran géant…

A : Neon j’ vas erweitti su tin divan

G : Ah ! Neon neon i n’in est pos questieon, t’ connaichant t’ vas faire du brut pindant tout le match et t’ vas ronchonner dins tes gros dints à chaque feos qui n’ d’a ein qui chole ein djâpe. Allez ortourne à t’ cuisine fousse banse. Te f’ras mieux.

Lexique : abistoqué : habillé de façon ridicule / fousse banse : idiote / zozeo : pitre / raquer : cracher /

 

Lien permanent 1 commentaire Imprimer

Commentaires

  • J’trouf’ Alex fin belle, Gégé te pourros faire un effort y’a pas qu’les feimmes qui dottent faire eul’ cuisine..
    J’vous imbrasse tout les deux bin fort.

Les commentaires sont fermés.